«Ұлттық биотехнология орталығы» жауапкершілігі шектеулі серіктестігі (ҰБО) – елдегі биологиялық бейіндегі жетекші ғылыми мекеме – Қазақстан Республикасы Президентінің Жарлығымен 1993 жылы құрылған. Орталық биотехнология, биологиялық қауіпсіздік және экология саласындағы бағдарламаларды орындайды. ҰБО кадрларды даярлау және биотехнология саласындағы өзара іс-қимылды кеңейту үшін іргетас болып табылады, биотехнологиялық пайданың қоғам игілігіне әсерін барынша арттыру мақсатында өмір туралы іргелі ғылымдар мен технологиялар саласындағы пәнаралық зерттеулерге жәрдемдеседі.

ҰБО миссиясы

Қазақстанның биотехнологиясын ғылымды қажетсінетін технологиялардың жоғары табысты бизнесіне айналдыру және ғылымның сапасы мен жоғары деңгейінің стандарты болу.

ҰБО қызметінің мақсаттары

• Ғылыми-технологиялық дамудың мемлекеттік басымдықтарына сәйкес ғылыми зерттеулерді орындау;
• жаңа технологиялар мен биотехнологиялық өнімдерді әзірлеу;
• ғылыми-техникалық бағдарламаларды, гранттарды, инновациялық жобаларды әзірлеу және іске асыруға қатысу;
• биотехнология саласында отандық және әлемдік ғылымның жаңа тиімді әзірлемелерін енгізу;
• зерттеулер жүргізу және технологиялар трансферті бөлігінде отандық және шетелдік мекемелермен өзара тиімді ынтымақтастықты дамыту.

Орталықтың құрылымы

Ұлттық биотехнология орталығының құрылымдық бөлімшелері Астана, Алматы және Степногорск қалаларында орналасқан. Астанада түрлі бағыттағы 15 зертхана орналасқан. ҰБО Алматы филиалына 3 зертхана, 3 бөлім және қауіпті және аса қауіпті инфекциялардың қоздырғыштарын тізбектеу және геномдық талдау жөніндегі референттік орталық кіреді. Степногорск қаласында ҰБО 3 ғылыми зертханамен ұсынылған.

Барлық зертханалар цитологиялық, генетикалық, микробиологиялық, молекулалық-биологиялық және физика-химиялық зерттеулерге арналған заманауи жоғары технологиялық жабдықтармен жабдықталған.

ҰБО ғылыми әлеуеті биотехнология, молекулалық биология, генетика, биохимия, микробиология, вирусология, иммунология, фармакология салаларында 250 жоғары білікті маманнан тұрады. Олардың ішінде 15 ғылым докторы, 44 ғылым кандидаты, 28 PhD докторы, сондай-ақ АҚШ, Ұлыбритания, Франция, Чехия университеттерін бітірген “Болашақ” бағдарламасының 8 түлегі бар. Орталық қызметкерлерінің орташа жасы-36 жас.

Орталықта персоналды кәсіби даярлау және біліктілігін арттыру бағдарламаларына ерекше назар аударылады, биология мен биотехнологияның әртүрлі салаларындағы жетекші ғалымдар мен мамандарды, сондай-ақ зертханалық жабдықтарды шығаратын танымал компанияларды шақыра отырып, дәрістер мен оқыту семинарлары үнемі өткізіліп тұрады. Дәрістер циклімен орталыққа АҚШ, Ресей, Германия, Франция, Корея және Израиль ғалымдары мен мамандары келеді. ҰБО-ның 170-тен астам қызметкері жақын және алыс шетелдердің үздік ғылыми орталықтарында тағылымдамадан өтті.